فونت زيبا سازفونت زيبا سازفونت زيبا سازفونت زيبا سازفونت زيبا سازفونت زيبا سازفونت زيبا ساز

لطفا از تمام مطالب دیدن فرمایید.

پیریکلی مارال اورک ائولریزه قوناق گلیب

سلام گؤزل یولداشلاریم تزه دن دؤندوم اورک ائولریزه.

دؤنوشوم دؤنوشسوز اولاجاق یازمیشدیم بیر ایل بیر گون بوندان قاباق یازدیغیم یازیدا!

آما سیز دن خبرسیز گئچدی بو بیر ایل بیر گونوم. نه ایسه گلدیم. داها دئمیرم گلمیشم قالام، بؤیودوکجه آنلاییرام کیمسه بو دونیادا قالان دئییل، هئچ کیم قالماغا گلمه ییب، هامیمیز قوناغیق؛ من ده گلمیشم بیر نئچه گون اورکلریزه قوناق اولام. هله لیک گلمیشم یازام، سوراسینی بیلمیرم. داها گلجک آدلی بیر زامانا دوشونمورم، ساعاتین تیک تاک تیک تاک دییه " آندا وئریرم آندا یاشایین" سسینی تزه ائشیدیرم!

 هله لیک، بو یازیلار دونیایا بوراخیلان ایزیم اولسون دییه، یازیرام. دوشونورم دونیادا ایز بوراخمایان کیمسه دونیادا بوراخیلار، نه اؤز یادیندا قالار نه ایؤزگه نین نه تاری نین.

آما گؤزل لریم! آماج تکجه ایز بوراخماق دئییل، گؤزل ایز بوراخماق دی. بیر دن قاریخیب هیتلر کیمی ایز بوراخمایاق دونیایا، دونیا بیزیم قوخو دان بئینی چاتلایا!

آما ایزی بوشلایاق، بیزی خوشلایاق! منجه کیچیک آدام لار چالیشار بؤیوک ایش گؤره! من دونیایا ایز بوراخماغا گلمه میشم. من سیزین اوره کلرده یاشاماغا، سنه قاتیلیب بیز اولماغا گلمیشم. منجه یولداشلیق اوره کلرده بوراخیلان أن گؤزل ایز دیر.

آرتیق اوزاتماییم سؤزو، یورماییم سیزی منیم اورک یولداشلاریم.

بو بیر ایلده من ده گؤزل آنلار یاشادیم، تزه تجروبه لر أله گتیردیم، اینگیلیزجه دیلی ایله تانیش اولماق دان، نقاشی چکمک دن، و  دونیانین آیری گؤزللیک لری ایله تانیش اولماق دان...

بون دان سورا آرا بیر گؤروشوزه گله جم، گؤردوک لریم و بیلدیک لریم دن سیز ایچین یازاجاغام

اؤپورم هامیزی

پیریکلی مارال.سود گونو، 1395/3/23 خالخال


موضوعات مرتبط:

برچسب‌ها:


تاريخ : ۱۳٩٥/۳/٢۳ | ۱٠:٤٢ ‎ب.ظ | نویسنده : پیریکلی مارال | نظرات ()

سالام سالام!

1 ایل 1 آی 11 گون گئجلیگییجه بیر سالام!

بلی، 1 ایل 1 بیر آی 11 گون اولدو ، 2 ایل 4 آی 15 گون اؤنجه قاییردیغیم بو ائوجیک دن گئدیب دؤنمه دیگیم!

آما تاری ایسته ر سه!داها دؤندوم و بو بیر دؤنوشسوز دؤنوش اولاجاق! 

نئجه؟! قوی بئله دئییم:

داها گه لدیم سیزله قالام

تک تک قادانیزی آلام

ائدیره م تزه دَن سالام

آی منیم جان یولداشلاریم

اود ائیله یه م اوجاغیمی

آچام سیزه قوجاغیمی

سئودیگیم اویونجاغیمی

وئره م سیزه هر نه واریم

دؤنموشه م کی دییه م گه لیز:

أل أله وئره ک اوینایاق

بو ائوجیکده "قوناق قوناق"

اوچاق گؤی پارکینا قوناق

اوردا بیزی گؤزلور تاریم

گوله ک دونیانی گولدوره ک

گولوش دئدیگین گول دور، أک

گؤیول باغینا ، قوی اوره ک

گول آچسین گه لسین باهاریم

گه لیز ائوجیک لریمیز دن قیشقیراق دونیانین قولاغینا:

اوشاغام من آی اوشاغام

گوزگویه م یوخدو شوشاغام

داش قوموم یوخ، یوموشاغام

 قیزیل دی منیم عایاریم

جان یولداشلاریم!سیزی گؤرمه دیگیم بو سوره ده ، من ده گؤزه ل عؤمور سوردوم گؤزه ل گون لر یاشادیم: دؤرد بویاغا بویاندیم بورایا گه لینجه:یاشیل ساری قیزیل آغ.سؤزجوک لریم آرتدی آنا دیلیم گوجله ندی، باشقا دؤرد دیل ایله ده تانیش اولدوم : فارسجا اینگیلیزجه فیرانسیزجا، عربجه.آتام اوخودوقجا قوشوغویا ماراقلاندیم، قوشولدوم کیتابلاریما واراق واراق واراقلاندیم؛ او ناغیل دان بو ناغیلا، او قوشغو دان بو قوشغویا او بویاق دان بو بویاغا ، اوخویا اوخویا قوشا قوشا بویانا بویانا ، دوزدو یوباندیم آما گینه ، چاتدیم بورا گینه گه لدیم بویانا!

یازی نین آردیندا گه له ن نئچه شه کیلیم گه لدیگیم بو گؤزه ل یولون نئچه آردیمین سیزه گؤرسه ده بیله ر.

قلب برای دیدن عکس ها و خواندن مطلب به زبان فارسی،تشریف بیارید ادامه ی مطلبقلب


موضوعات مرتبط:

برچسب‌ها: قوشغولار،شعرلر،شعرها , باشیم دان گئچه ن لر


ادامه مطلب
تاريخ : ۱۳٩٤/۳/٢٢ | ٥:٤۳ ‎ق.ظ | نویسنده : پیریکلی مارال | نظرات ()

ایکی یاشما چاتدیم، یانی ایکی یاز گؤردوم ایکی یای گؤردوم ایکی گوز گؤردوم ایکی قیش.

یانی بوندان سورا دا بو تکرارلاری گؤره جم؟! آرتیق نه ایچون یاشاییرام؟!

بو ایکی ایلده دوشوندوم یاشاییش بتون تکراردی، آما اوندا بیر تکرارلار وار کی اونلار ایچین یوز ایللر ده یاشاماق آزدی!

اونلاردان بیری سیز گؤزه ل یولداشلاری تکرارلارجا گؤرمه ک دی. هامینیزی سئویرم

 

 


موضوعات مرتبط:

برچسب‌ها:


تاريخ : ۱۳٩۳/٢/٢۳ | ۱٠:٤٦ ‎ب.ظ | نویسنده : پیریکلی مارال | نظرات ()

 

 آنام ، آتام ، ننه م،أمیم، گلماجیم...دای قالان قارا پالتارلی لاری تانیمادیم!

 تانیسایدیم دا سایا بیلمه دیم،اون دنه دن ده چوخ ایدی لار، اون دنه اون!

آنجاق، آرالاریندا دوردوقلاری ده لیک لر او قارا پالتارلی لاردان دا چوخ ایدی لار،

اون دنه "اون دنه اون"!

هامیسی آغلاشیردی لار! تکجه بیر آدام آغلامیردی او دا قارا گئیمه میشدی!!

چوخ قورخدوم ! آخی آغلامادیغی ایچین ، قارا گئیمه دیگی ایچین

اونو او ده لیکلرین بیرینه قویوردولار!!

گیزلینجه اؤز قیرمیزی کؤینه ییمه باخیب،

یاواشجاسینا آنامین ألین بیراخیب اوزاقلاشدیم!

نئچه آددیم او ده لیکدن بو یانا بیر بالاجا،آلا کؤینک لی ، گؤزه ل قیز گؤردوم ،

 او ده لیک لرین بیریندن منه گولومسه ییر!

قورخومدان گولوشوم اوره ییمدن قوزانیب دوداقلاریمدا اوتورا بیلمه دی!!

اؤزومه اوره ک وئریب"آنا آتام منی او ده لیکده بیراخمازلار"دئدیم.

آما"بس یولداشیمین آنا آتاسی نیا اونو بیراخیبلار اوردا؟!

بس آنا آتام گیل او قارا گئیمه یه نی نیا قویوبلار اورا؟!!

بو دوشونجه لرده ایدیم یولداشیمین گولوشو منی اوره کله ندیردی!!

سه سسیز أیله شدیم یانیندا من ده گولدوم،اوزوندن اؤپدوم،

توکلرینی اوخشادیقجا او دا منه گولوردو.

یولداشیم لا دانیشماقدایدیم گؤردوم آتام منله یولداشیمدان عکس گؤتورور.

داها آغلامیردی!قورخوم تؤکولوب یولداشیمی گؤرسه ده ره ک دئدیم:ببه ببه!

آتام آنامی چاغیریب دئدی:گه ل باخ مارال یولداش تاپیب:بالاجا بئهیشت یولجوسو!

آنام دا داها آغلامیردی!چوخ سئویندیم

 ببه ببه دییه ره ک یولداشیمی اونا دا گؤرسه تدیم.

آتام دئدی یولداشین ایندی بئهیشتده گؤیلرده!!

آنام دا تئز منی آلدی قوجاغینا دئدی یولداشینی تافشیر آللاها تئز گئده ک.

یولداشیملا چوخ دانیشا بیلمه دیم تئز بای بای ائله دیم.

سونرا بیز ده قارا پالتارلی لارین دالییجا قاچیب ته پیلدیک أزیک اوزوک بیر ماشین ایچینه!

ماشیندا چوخ سیخیلدیق آتام دئدی ائله بیل قه بیردی!

بیلمه دیم قه بیر دئدیگی نه دی؟!

آما ائله سیخیلدیم آنامدان أمدیگیم بورنومدان گه لدی،

 آنام تئز بؤرکومو توتدو آغزیمین قاباغینا!

آتام دا بو دار یئرده بئله سیخیلدی کی یئر دیبلی گؤی ده بئهیشت ده یادیندان چیخدی،

گؤردوم آنام لا دانیشیب گولورلر!!

بیر من قالدیم بیر یولداشیم ایچین داریخان بالاجا اوره ییم

بیر ده آتامدان سوروشا بیلمه دیییم سورقولار لا دولو بئینیم:

گؤره سن آتام نیا دئدی:" یولداشین ایندی گؤیده"؟! او کی منیم یانیمدا

ایدی! او کی منله دانیشیردی! یانی آتام منی آلداتدی؟!!

یوخ یوخ آتام هچ واخت یالان دانیشماز!

بس گؤره سن نیا منی قویمادی قالام بئهیشتده یولداشیم لا اوینایام!!

نیا او آغ گئیه نی یوللادیلار بئهیشته اؤزلری قالیب سیخیلدیلار بو أزیک اوزوک دار ماشینا!

اینانجیم وار آتام گیل بیلمیرلر اورا بئهیشت دی!

 آتام گیل، اورانین بئهیشت اولدوغونو بیلمه دیکلریندن،آغلاییردی لار!

اورانی بئهیشت بیلمیردی لر سه  ، نه بیلیردی لر؟

اولماسین اورانی قورخمالی بیلیرلر؟! 

قورخمالی بیلیرلر سه ، نیا او آدامی اورا قویورلار؟!!

ایندی اؤزلری نیا گولورلر؟!! نه یه گولورلر؟!!

او آغ پالتارلی نیا آغلامیردی؟! یانی او بیلیردی؟او قارا گییه ن لر  کیمی دوشونموردو؟!

کئشکه قارا پالتارلی آغلایانلار، باشقا دوشونن

 آغ پالتارلی آغلامایانی قورخولو یئره قویماسایدی لار! 

کئشکه اوندان سوروشسایدی لار ، کئشکه تَله سمَه سه یدی لر!،

قالیب یولداشیملا دانیشسایدی لار،

اونون سئوینج سسینی،اویونجاق لا دولو بویاقلی  اوتاقلاردا اویناماق سسینی

ائشیتسه یدی لر بیله ردی لر:

بئهیشت گؤیده دئییل یئرده دی!!

ایندی هامیمیز قالمیشدیق بئهیشتده .

من ده یولداشیم لا اویناییردیم.

کئشکه بیلسه یدی لر!!!!

پیریکلی مارال 1392.12.22 سوگونو


موضوعات مرتبط:

برچسب‌ها:


تاريخ : ۱۳٩٢/۱٢/۱۸ | ٥:٠۳ ‎ب.ظ | نویسنده : پیریکلی مارال | نظرات ()

 

مارال وار آناسینین نه غمی


موضوعات مرتبط:

برچسب‌ها:


تاريخ : ۱۳٩٢/۱۱/۱۳ | ٥:۱٥ ‎ب.ظ | نویسنده : پیریکلی مارال | نظرات ()

 

عکس لرین قالانی "ادامه مطلب"ده / بقیه ی عکس ها در ادامه مطلب.قلب

بفرمایید مارال کوچولو چشم به راهتونه ها!قلب

این هم لینک فیلمم توی سایت یو تیوب هستش می تونید تماشا کنید:

https://www.youtube.com/watch?feature=player_detailpage&v=FjFULcgzUJ4

 


موضوعات مرتبط:

برچسب‌ها: زمستان


ادامه مطلب
تاريخ : ۱۳٩٢/٩/٢٢ | ٧:۳٦ ‎ب.ظ | نویسنده : پیریکلی مارال | نظرات ()

 

گئچمیشده کی طؤیله میزین قاپی سی

بو دا هادی خال اوغلوم محررمین اوچو، طشت چیخان گونو مالیک گیلین قاپیسیندا

آتام دئدی زنجیری یئره ویرمایاسان، من ده گوجوم چاتار چاتماز گؤیده ساخلامیشدیم!

 عکس لرین قالانینا "ادامه مطلب"ده

بقیه ی عکس ها در ادامه مطلب.

ممنون از این که وقت می ذاریدقلب


موضوعات مرتبط:

برچسب‌ها: پیریک


ادامه مطلب
تاريخ : ۱۳٩٢/٩/٦ | ٩:٥٥ ‎ق.ظ | نویسنده : پیریکلی مارال | نظرات ()

گؤزل گؤزلرینیزله عکس لریمین قالانین یازینین آردیندا گؤرون

با چشمای قشنگتون بقیه ی عکس هام رو در ادامه ی مطلب ببینید


موضوعات مرتبط:

برچسب‌ها:


ادامه مطلب
تاريخ : ۱۳٩٢/٧/۱٢ | ۸:٥٩ ‎ب.ظ | نویسنده : پیریکلی مارال | نظرات ()
مطالب قدیمی‌تر >>


لطفا از دیگر مطالب نیز دیدن فرمایید
.: Weblog Themes By SlideTheme :.