بیری واریدی بیری یوخودو! Biri varıdı biri yoxudu!

 

سالام منیم یولداشلاریم.

 اؤز اؤزومه دوشونوردوم یازماغی هاردان باشلاییم؟ ایندی دن؟دونیایا گلمه ییمدن؟ آتا آنامدان ؟یا...؟دوشوندوم دوشوندوم دوشوندوم ،دوشونجه یه دالدیم، دالی گئتدیم.دالا گئدیکجه، بئینیمده ،یازیلمالی خاطیره لر چوخالیردیلار.هر بیریندن یازماغی باشلاماق ایستیردیم گؤروردوم اوندان قاباق یازیلمالی خاطیره لر چوخ وار! گینه دوشونجه یه دالدیم دالی گئتدیم ،گئتدیم گئتدیم گئتدیم چاتدیم گه لدیگیم یولون باشینا! او یئره کی بیری وار ایدی بیری یوخودو!

هر یئر! هر یئر !قارالنلیق ایدی،سونسوز(بی نهایت) بو قارانلیقدا تکجه بیر ایشق وار ایدی ،او دا  گؤزه ل مئهریبان گوجلو تاری ایدی!

تاری، مئهریبانلیغیندان، گوجو ایله ،اؤز ایشیغیندان باشقا لارینا دا یایدی؛ گونش ایشیقلاندی، ،آی ایشیقلاندی،  اولدوزلار ایشیقلاندی. بونلار دا  اؤز ایشیقلارین باشقالارینا یایدی لار ؛ بئله لیکله دونیا ایشیقلاندی.

ایندی ده هر کیمسه تاری دان  ایشیق آلیب اونو باشقلارینا یایمالی دیر ،گونش کیمی آی کیمی! اؤرنک اوچون، من اؤزوم هر نه اؤیره نیرم هر نه بیلیره م اونو یولداشلاریما دا اؤیره دیره م ،آخی منجه "بلیم" ایشیقلارین باشی بیر ایشیق دیر،هر نه اونون ایشیغیندا ایشیقلانیب گؤرسه نر ،ایشیقلی تاری دا!

خووب دونیا ایشیقلاناندان سورا  تاری گؤردو بیر زاد آزدی.گینه گوجو ایله،اؤز گؤزللیگیندن باشقالارینا وئردی.یاواش یاواش گؤزه للیک لر اوزه گه لدی: دنیزلر،  ایچینده بالیقلار،اوزونده  یوسون لار...؛مئشه لر،ایچینده آغاجلار،آسلانلار،قوردلار،اوستونده اوچان قوشلار،...؛تارلالار،ایچینده بوغدالار،آرپالار،یونجالار...،و داغلار، اوندا گزه ن جئیرانلار، مارال لار.

آماگینه بیر زاد آزیدی.تاری گؤز دولاندیردی بوتون دونیایا،دنیزلر،مئشه لر،تارلالار،...،هر نه یئریندئیدی!

 گؤزو دوشدو داغلارا،اوندا گزه ن مارال لارا. داغلاردان ایکیسی مارال لاردان ایسه بیری آزیدی!

ایکی یاشیل داغ یاراتدی یان یانا

بیری آتا او بیری سی ده آنا

بیر بالاجا مارال یاراتدی گؤزه ل

مارال باشلادی داغلاردا دولانا

او گوندن مارال باشلادی بو داغلاردا گزمه گه.بو گزمه کده نه لر اولاجاق نه لر گؤره جک؟

آردی وار

 پیریکلی مارال

27/11/1391آینی گون.خالخال

 

Səlam mənim yoldaşlarım 

Öz özümə düşünürdüm:yazmağı hardan başlayım? İndi dən? Dünyaya gəlməyimdən? Ata anamdan? Ya...? 

 Düşündüm düşündüm düşündüm ,düşüncəyə daldım,dala getdim. Nə belə dala gedirdim , beynimdə,yazılmalı xatirələr çoxalırdılar.Hər birindən yazmağı başlamaq istirdim görürdüm ondan qabq yazılmalı xatirələr çox var!! 

Ginə düşüncəyə daldım ,dalı getdim;getdim getdim getdim çatdım gəldigim yolun başına,o yerə ki biri varıdı biri yoxudu! 

Hər yer! hər yer! Qaranlıqıdı,sonsuz bu qaranlıqda təkcə bir ışıq varıdı,O da gözəl mehriban güclü Tarıydı! 

Tarı,mehribandan,gücü ilə,öz ışığından başqalarına da yaydı;günəş ışıqlandı,ay ışıqlandı,ulduzlar ışıqlandı;bunlar da öz ışıqlarını başqalarına yaydılar,beləliklə dünya ışıqlandı! 

İndi də hər kimsə tarıdan ışıq alıb onu başqalarına yaymalıdr,günəş kimi ay kimi! Örnək üçün mən özüm hər nə öyrənirəm hər nə bilirəm yoldaşlarıma da öyrədirəm,axı məncə bilim ışıqların başı bir ışıqdır,hər nə onun ışığında ışıqlanar görsənər,ışıqlı Tarı da! 

Dünya ışıqlanandan sora Tarı gördü bir zad azdı! Ginə gücü ilə ,gözəlligindən başqalarına verdi. Yavaş yavaş gözəlliklər üzə gəldi:Dənizlər, içində balıqlar,üzündə yosunlar,... ;meşələr,içində ağaclar,aslanlar,ayılar,üstündə uçan qaşlar,...;tarlalar,içində buğdalar,arpalar,yoncalar,...;və dağlar,döşlərində gəzən marallar,ceyranlar,... . 

Ama ginə bir zad azıydı! Tarı göz dolandırdı bütün dünyaya:dənizlər,meşələr,tarlalar,...,hər nə yerineydi. 

Gözü düşdü dağlara,onda gəzn marallara.Dağlardan ikisi ,marallardan isə biri azıydı!
 

İki yaşıl dağ yaratdı yan yana 

Biri ata o birisi də ana 

Bir balaca gözəl maral yaratdı 

Maral başladı dağlarda dolana 

O gündən Maral başlayıb bu dağlarda gəzməgə.Bu gəzməkdə nələr olacaq nələr görəcək?

Ardı var

Pirikli Maral.

1391.11.27-aynıgün-Khalkhal 

/ 20 نظر / 45 بازدید
نمایش نظرات قبلی
دادا

سلام عزیز قلمداش دویغوز آخار اولسون[گل] . . . بیر زولال ماهنی ایله قوللوغوزدایام http://torkizolal.blogfa.com

جییقیلی باخچا

سالاملار ائلیمین هامی مارال لارینا اؤزللیکله سنین کیمی گرزل مارالینا نه یاخشی کی سن وارسان مارال و نه یاخشی گلیب جیققیلی باخچامیزدا گزیب گوللرینی ایله ییب کپنکلر ایله اویناییب اونو سئومیسن هامی مارال لار سئومه یی باشارییرلا نه یاخشی کی سئومک وار من ده سنی سئودیم مارالیم .

بی بی جان

[گل]سلام سلام مارال جان. بی بی قوربان آلا گؤزلرووه.نه گؤزه ل اؤیکو یازیبسان! بئله کی من گؤرورم گله جکده بؤیوک یازار اولاجاقسان. بو گؤللر ده سنین: [گل][گل][گل][گل][گل]

سوناي

ماراليم عكس لريوي تئز تئز قويسان سني گؤرمه يه گله جه يم. اؤپورم گؤزلريوي. لينك اولدون

بهنام صداقت

دریا! به شوق دیدنمان چشم تر نکن مرداب شد نتیجه جاری آبها. سلام با احترام دعوتید.

محيا

سلام مارال جون من منتظر توام بابام منتظر باباته خب يه سر به ما بزنيد ديگه جيگر[قلب]

دنیز

منده چوخ موتلویام کی بو اینترنت دونیاسیندا سنین تکی یولداشیم وار اوپورم سنی[ماچ][ماچ][ماچ][ماچ][گل]

مادام

بهترین و شایسته ترین کد قالبتونو رو از ما بگیرین

محمد

سلام دوست من آپ شدم بیا پیشم