بالاجا مارال ایله بالاجا بئهیشت یولجوسو balaca Maral ilə balaca behişt yolcusu

 

 آنام ، آتام ، ننه م،أمیم، گلماجیم...دای قالان قارا پالتارلی لاری تانیمادیم!

 تانیسایدیم دا سایا بیلمه دیم،اون دنه دن ده چوخ ایدی لار، اون دنه اون!

آنجاق، آرالاریندا دوردوقلاری ده لیک لر او قارا پالتارلی لاردان دا چوخ ایدی لار،

اون دنه "اون دنه اون"!

هامیسی آغلاشیردی لار! تکجه بیر آدام آغلامیردی او دا قارا گئیمه میشدی!!

چوخ قورخدوم ! آخی آغلامادیغی ایچین ، قارا گئیمه دیگی ایچین

اونو او ده لیکلرین بیرینه قویوردولار!!

گیزلینجه اؤز قیرمیزی کؤینه ییمه باخیب،

یاواشجاسینا آنامین ألین بیراخیب اوزاقلاشدیم!

نئچه آددیم او ده لیکدن بو یانا بیر بالاجا،آلا کؤینک لی ، گؤزه ل قیز گؤردوم ،

 او ده لیک لرین بیریندن منه گولومسه ییر!

قورخومدان گولوشوم اوره ییمدن قوزانیب دوداقلاریمدا اوتورا بیلمه دی!!

اؤزومه اوره ک وئریب"آنا آتام منی او ده لیکده بیراخمازلار"دئدیم.

آما"بس یولداشیمین آنا آتاسی نیا اونو بیراخیبلار اوردا؟!

بس آنا آتام گیل او قارا گئیمه یه نی نیا قویوبلار اورا؟!!

بو دوشونجه لرده ایدیم یولداشیمین گولوشو منی اوره کله ندیردی!!

سه سسیز أیله شدیم یانیندا من ده گولدوم،اوزوندن اؤپدوم،

توکلرینی اوخشادیقجا او دا منه گولوردو.

یولداشیم لا دانیشماقدایدیم گؤردوم آتام منله یولداشیمدان عکس گؤتورور.

داها آغلامیردی!قورخوم تؤکولوب یولداشیمی گؤرسه ده ره ک دئدیم:ببه ببه!

آتام آنامی چاغیریب دئدی:گه ل باخ مارال یولداش تاپیب:بالاجا بئهیشت یولجوسو!

آنام دا داها آغلامیردی!چوخ سئویندیم

 ببه ببه دییه ره ک یولداشیمی اونا دا گؤرسه تدیم.

آتام دئدی یولداشین ایندی بئهیشتده گؤیلرده!!

آنام دا تئز منی آلدی قوجاغینا دئدی یولداشینی تافشیر آللاها تئز گئده ک.

یولداشیملا چوخ دانیشا بیلمه دیم تئز بای بای ائله دیم.

سونرا بیز ده قارا پالتارلی لارین دالییجا قاچیب ته پیلدیک أزیک اوزوک بیر ماشین ایچینه!

ماشیندا چوخ سیخیلدیق آتام دئدی ائله بیل قه بیردی!

بیلمه دیم قه بیر دئدیگی نه دی؟!

آما ائله سیخیلدیم آنامدان أمدیگیم بورنومدان گه لدی،

 آنام تئز بؤرکومو توتدو آغزیمین قاباغینا!

آتام دا بو دار یئرده بئله سیخیلدی کی یئر دیبلی گؤی ده بئهیشت ده یادیندان چیخدی،

گؤردوم آنام لا دانیشیب گولورلر!!

بیر من قالدیم بیر یولداشیم ایچین داریخان بالاجا اوره ییم

بیر ده آتامدان سوروشا بیلمه دیییم سورقولار لا دولو بئینیم:

گؤره سن آتام نیا دئدی:" یولداشین ایندی گؤیده"؟! او کی منیم یانیمدا

ایدی! او کی منله دانیشیردی! یانی آتام منی آلداتدی؟!!

یوخ یوخ آتام هچ واخت یالان دانیشماز!

بس گؤره سن نیا منی قویمادی قالام بئهیشتده یولداشیم لا اوینایام!!

نیا او آغ گئیه نی یوللادیلار بئهیشته اؤزلری قالیب سیخیلدیلار بو أزیک اوزوک دار ماشینا!

اینانجیم وار آتام گیل بیلمیرلر اورا بئهیشت دی!

 آتام گیل، اورانین بئهیشت اولدوغونو بیلمه دیکلریندن،آغلاییردی لار!

اورانی بئهیشت بیلمیردی لر سه  ، نه بیلیردی لر؟

اولماسین اورانی قورخمالی بیلیرلر؟! 

قورخمالی بیلیرلر سه ، نیا او آدامی اورا قویورلار؟!!

ایندی اؤزلری نیا گولورلر؟!! نه یه گولورلر؟!!

او آغ پالتارلی نیا آغلامیردی؟! یانی او بیلیردی؟او قارا گییه ن لر  کیمی دوشونموردو؟!

کئشکه قارا پالتارلی آغلایانلار، باشقا دوشونن

 آغ پالتارلی آغلامایانی قورخولو یئره قویماسایدی لار! 

کئشکه اوندان سوروشسایدی لار ، کئشکه تَله سمَه سه یدی لر!،

قالیب یولداشیملا دانیشسایدی لار،

اونون سئوینج سسینی،اویونجاق لا دولو بویاقلی  اوتاقلاردا اویناماق سسینی

ائشیتسه یدی لر بیله ردی لر:

بئهیشت گؤیده دئییل یئرده دی!!

ایندی هامیمیز قالمیشدیق بئهیشتده .

من ده یولداشیم لا اویناییردیم.

کئشکه بیلسه یدی لر!!!!

پیریکلی مارال 1392.12.22 سوگونو

/ 10 نظر / 75 بازدید
منوچهر فضلی‌خلف(آزرائللی)

سایغی‌لار- سالام‌لار [گل][گل][گل][گل][گل][گل][گل] سایین پیریکلی، منجه، گؤزل یازیبسینیز، یازینیزدا نئچه- نئچه یئنی باخیش‌لار وار. اؤرنه‌یین- هامیسی آغلاشیردی لار! تکجه بیر آدام آغلامیردی او دا قارا گئیمه میشدی!! ----------------------- ماشیندا چوخ سیخیلدیق آتام دئدی ائله بیل قه بیردی! بیلمه دیم قه بیر دئدیگی نه دی؟! آما ائله سیخیلدیم آنامدان أمدیگیم بورنومدان گه لدی، آنام تئز بؤرکومو توتدو آغزیمین قاباغینا! آتام دا بو دار یئرده بئله سیخیلدی کی یئر دیبلی گؤی ده بئهیشت ده یادیندان چیخدی، -------------------- قورخمالی بیلیرلر سه ، نیا او آدامی اورا قویورلار؟!! ایندی اؤزلری نیا گولورلر؟!! نه یه گولورلر؟!! ............................................ او آغ پالتارلی نیا آغلامیردی؟! یانی او بیلیردی؟او قارا گییه ن لر کیمی دوشونموردو؟! ................. کئشکه قارا پالتارلی آغلایانلار، باشقا دوشونن .............................. کئشکه اوندان سوروشسایدی لار ، کئشکه تَله سمَه سه یدی لر!، قالیب یولداشیملا دانیشسایدی لار، .......................... ائشیتسه یدی لر بیله ردی لر: بئهیشت گؤیده دئییل یئرده

محمد

سالام باشیم تولدوما قاتیشمیشدی آللاه هامی اوللننره رحمت السین [گل][ماچ]

منوچهر فضلی‌خلف(آزرائللی)

سایغی‌لار- سالام‌لار [گل][گل][گل][گل][گل][گل][گل] اوْغوز بایرامی- باهار بایرامی- نئوْوروز بایرامی....... سیزه- خاناوادانیزا- سئورلرینیزه- سئودیکلرینیزه موبارک اوْلسون [گل][گل][گل][گل][گل][گل][گل] [گل][گل][گل][گل][گل][گل][گل] [گل][گل][گل][گل][گل][گل][گل] [گل][گل][گل][گل][گل][گل][گل] [گل][گل][گل][گل][گل][گل][گل] [گل][گل][گل][گل][گل][گل][گل] [گل][گل][گل][گل][گل][گل][گل] .

جعفری زاویه

سلاملار منیم مارال قیزیم ؛ تانری سنی خوشباخت ائله سین گؤزل بالام ؛ گؤزل و درین فیکیرلره دالدیران یازدیقوز حکایه نی اؤخودوم و سیز نوه مین هوش ؛ فراساتینا احسن لر دئدیم ؛ تانری یاردیمجون اؤلسون . یئنی ایلی سیز نوه مه و مهربان آتا ؛ آنانیزا تبریک لر دئیورم و سیزلریچین سلامت و سعادت آرزولاییرام . [گل] اومارام منی ده ایل تحویل اؤلان لحظه لرده دوعا ائده سیز . یاشیل یاشاییشلار گؤیچک قیزیم . [گل]

بیریسی

وای اوره گیم سیخیلدی گؤره سن او کؤرپه نیه دونیاسین دییشیب؟ ساغول بالاجا مارال[بغل]

لطفا مطالب رو فارسی بنویسین آدم حوصلش سر میره بخونهههههههه

***کلبه کودک***

سلام... بیش از 100 عنوان سی دی اختصاصی کودک عکس نی نی های نازگوگولی!

ارسلان زنگانلی

سلاملار. بیر شعر اوخوماغا چاغیریلیرسینیز.سیزین دئیرلی نقدلرینیزه یول گؤزلویور ارسلان زنگانلی...

اوینا

بچت مرده؟

مهران

خدا بیامرزدش عمرشو بده به مورال