آنا آتا مارالا آد آختاریرلار!! ana ata Marala ad axtarırlar

تاری نین آدیلا

ناغیلیمیز اوردا قالدی کی : گؤزه ل تاری اؤز گؤزه للیگیندن باشقالارینا پایلادی ، بو  پایلانیشدا ایکی گؤزه ل یاشیل داغ اوجالدی : آنا - آتا! . آنا داغ ایچین  هر نه دن گؤزه ل آتا داغ ایدی، آتا داغ ایچین ده آنا داغ .ایکیسی ده گؤزه للیکلرین پایلاشاراق گؤزه للیگی بیربیرینده گؤروردولر.بو پایلاشما تارییاخوش گه لیب ،اونلارا دونیانین لاپ گؤزه للیگینی پای وئردی: بالاجا بیر گؤزه ل مارال.

او گوندن آنا آتا گؤزه للیگی آللاهین وئردیگی پایدا گؤروب اونو نه چاغیراق دییه آد آختارماغا باشلادیلار!

گئجه ایدی ، آی ، اولدوزلاری یان یؤره سینه سالیب ، نازلانا نازلانا گه لیب  داغین باشینا چاتدی. آنا آتا آیین گؤزه للیگین گؤروب دئدیلر : آی گؤزه ل آی بیزیم بیر بالاجا مارالیمیز وار سنه تای ایشیقلی دی، یاشامیمیزا ایشیق وئریب گؤزه للیکلری بیزه گه تیریب؛ اونو سنین آدیندا چاغیرا بیله ریک؟

آی ، نازلانا نازلانا ، دئدی : هن چوخ گؤزه للر آدلارین مندن آلیبلار- آیناز  ،آیدا، آیلین ، آیتن ، آیسل... . اولدوزلار دا دئدیلر: بیزیم ده آدیمیزی چوخ گؤزه ل قیزلارا قویوبلار ،اورنک اوچون صمد بهرنگی نین ناغیلانداکی قارقالارین یولداشی  اولدوز خانیم.

آنا آتا بو دوشونجه ده ایدیلر کی بو  گؤزه ل آدلارین هانسی بالاجا گؤزه ل مارالا یاراشار ، بیردن گؤردولر دان آچیلدی گونش بویلاندی داغلارین دالیندان؛ هر یئر ایشیقلاندی ، ایشیغیندا آی اولدوزلار هامیسی ایتدی لر.

آتا آنا ایشیقلی گونشی گؤروب دئدیلر: وای نه گؤزه ل نه پارلاق! بالاجا مارالیمیزا "گونش" آدی یاراشار.سونرا گونشدن سوروشدولار: بیزیم بیر بالاجا مارالیمیز وار بوتون دونیامیزی ایشیقلاندیریب قیش اوره کلریمیزی یای ائدیب سنین کیمی، او دا سنین کیمی هئچ بیر زاد اوممادان اؤز ایستی  محببتینی هامییا یاییر ، اونو سنین آدیندا چاغیرا بیله ریک؟

گونش دئدی :هن،  چاغلار سوره سینده چوخ گؤزه للرین آدی  مندن آلینیب.

آتا آنا سئوینیب بالاجا مارالی گونش چاغیردیلار.

اونلار سس سسه وئریب اوخویوردولار :

" ائرته گونش چیخاندا

بیزیم گونش اویانار

آخشام گونش باتاندا

ائویمیزده او یانار!

آنا آتا سئوینجله اوخوماقدایدیلار بیر قارا بولود دهنزدن قوزانیب گؤی اوزونده گونشی باسدی آلتینا ،

 "گؤی گورولده دی

 ایلدیریم شاخدی

یاغدی سو آخدی"1

آنا آتا بئله بیر گؤزه للیگی گؤروب یاغیشین آلتیندا ایسلاناراق اونا دئدی لر : بیزیم بیر بالاجا مارالیمیز وار سنین کیمی گؤزه ل  او دا سنین کیمی هر یئره گئدیر اورا یاشیللانیر چیچکلنیر ، سنین آدیندا چاغیرا بیله ریک مارالیمیزی؟

یاغیش دئدی : هن منی چوخ اؤلکه لرده سئورلر، سیز منه یاغیش دئییرسیز ، تورکیه ده منه یاغمور، فارسلار دا منه باران دئییب شعرلر قوشوب ماراللارینا قویورلار منیم آدیمی.

بونلار دانیشار کن یاغیش داملالاری بیرله شیب آخیم آخیم آخیب بیر چای اولدولار ، چایدان سئللر آخدی.آنا آتا گؤردولر :

 بیر قیز اؤزون آتدی چایین سئلینه

یایلیغین وئرمه دی ظولمون   یئلینه

آتیلیب میندی   او  سئلین   بئلینه

چاپدی   عیصمت  دنیزلرینه   ساری

آنا آتا بو قیزین عیصمتینه ناموخدا دئییب یاخینلاشدیلار.چاغیردیلار آدین نه دیر عیصمتلی قیز غیرتلی قیز، هانسی اوجا ائلین قیزیسان گؤزه ل؟

قیز سئلین نوخداسینی چکدی دایاندی داغلارین دؤشونده، " آدیم سارای ، اوجا بوی تورک ائلینین غیرتلی قیزییام" دئدی!

آتا آنا دئدیلر :  تاری بیزه بیر بالاجا گؤزه ل مارال وئریبدیر ، سنی کیمی عیصمتلی غئیرتلی قیزدیر، سنین آدیندا چاغیرا بیله ریک اونو؟

سارای دئدی : هن ای مئهریبان آناتا ،  ائلیمین چوخ گؤزه للری آدین مندن آلیبلار ، آما تک من دئییلم تورک ائلینین تک قوچاغی تک گؤزه لی! بو ائلین چوخ گؤزه لی قوچچاغی غئیرتلیسی عیصمتلیسی واردیر . اونلار دا آدلارین دونیانین گؤزه للیکلریندن آلیبلار ، نئجه کی من آدیمی آیدان آلمیشام. بیر گه زسه ز مین تاپاجاغسیز ، مین گه زسه ز میلیون تاپاجاغسیز بو گؤزه للیکلردن، بالاجا مارالا بو گؤزه ل آدلاردان هر بیرین سئچسه ز اؤنملی دئییل ، اؤنملی بالاجا مارالیمیزین سئچدیگی یولدور ؛ منیم آدیم ساده جه سارای دیر منی سارای ائده ن آدیم دئییل سئچدیگیم یول دور،سئل آتین مینیب عیصمت و غئیرت دنیزلرینه ساری گئتدیگیم یول منی سارای ائله ییب!

آتینین نوخداسینی بوشالدیب "آد اینسانی اوجالتماز اینسان آدی اوجالدار " دییه آللاها تافشیردی داغلاری!

آنا آتا سوسوب دوشونجه یه دالدیلار : بو بئله گؤزه للیکلردن هانسینی سئچه ک بالاجا مارالیمیزا؟

اوندا آنا " تاپدیم" دییه گؤیه آتیلدی بیردن.

"نه یی تاپدین؟" آتا سوروشدو.

" بیز نه دن بیلمه دیک  گؤزه ل آدینی گؤزه ل بالاجامیزین؟ دیلیمیز مین یول دییه نی قولاق نه دن بیر یول ائشیتمه دی؟!"

" نه دن دانیشیرسان مئهریبان آنا؟" سوروشدو آتا

" تاری اؤزو آدین قویوب بالامین، تاری بیزه بیر گؤزه ل مارال وئریب" دئدی آنا

" یولونو دا گؤرسه دیب! اینانیرام فاطمه ی زهرا(س) ، زینب (س) ، زینب پاشا ، قوچاق نبی نین هجری ، سارای و...آدلارین سیراسیندا  مارال آدی پارلایاجاق تاریخین گؤیونده" دئدی آتا

ایکیسی ده شوکور دولو گؤزلریله گؤیه باخدیلار ؛ هاوا دورولموشدو بیر آق بولود مارال شَکلینده گؤیده  گزیردی. بالاجا مارالا باخدیلار ، دؤشلرینده یاتمیشدی.

سارایین آتینین آیاغ سسی ده دره تپه نی بوروموشدو

اوخودولار :

لای لای دئدیم من  آتا

یاتا غملرین آتا

قیزیم یوللار گئده جک

(اوزون یوللار گئده جک)

مینه جک یویره ک آتا

-

1-بو نئچه کلمه  "یاغدی یاغیشلار" کیتابیندان بئینیمه گه لدی

/ 44 نظر / 77 بازدید
نمایش نظرات قبلی
ح.هنوز

سالام پیریکلی قارداش بیر فارسیجا شئعره دعوت سیز باخیشلاریزو گوزله ییرم

آيلين كوچولو

سلام عموجان، ماماني با عكس جديدم وبم را‌ آپ كرده خوشحال مي‌شم سر بزنيد

مامانی طهورا

سلام عزیزم حال احوال [لبخند] خیلی وقته نیستین[ناراحت]چرا از مارال عزیز عکس نمیزاری دلمون واسش تنگ شده[بغل]

محمد

سلام منیم ناز یولداشیم 8خرداد تولدون موتلو اولسون میننر ایل خوش یاشیاسان منیم عمه مده 7خرداد تولد توتدوخ من کیکین بولدوم چوخ خوش گشدی [ماچ] بودا منیم کادوم [گل]

انجمن ادواری شعر

بر در صدای در زدنت را کشیده ام کار من از نیامد و آمد گذشته است سالروز ولادت موعود عشق فرخنده[گل]

دنیز

سالام مارال باجیم باغیشلا منی اینترنته الیم چاتمادی بو ایلار. دوغوم گونون موتلو اولسون الله دان سنه جان ساغلیقی و اوغورلار دیله ییرم.منیمده دوغوم گونونن 3 گون گئچیر[هورا][گل][هورا][گل]

مامان آيسل

سلام ..چوخ گوزل يازيز واريدي...الله سيزي مارالا چوخ گورمسين ...خصوصي واريزدي

حجت شاواللی

سلام گوزل وئبینیز واردیر اللریز وار اولسون گوزل و مارال کیمین قیزووا خوشبختلیق آرزولایرام اونون اوزوندن اوپ[گل][گل][گل]

صفی نصیری پروج

چوخ گوزلدیر اما مارال بالام هامیسیندان گوزل و شیریندور الله اوزی ساخلاسین